રાધા-કૃષ્ણ વિના બીજું બોલ માં

બોલમાં બોલમાં બોલમાં રે

રાધા-કૃષ્ણ વિના બીજું બોલ માં.

સાકાર શેરડીનો સ્વાદ તજીને

કડવો તે લીમડો ઘોળ માં રે

રાધા-કૃષ્ણ વિના બીજું બોલ માં.

ચાંદા સુરજનું તેજ તજીને

આગિયા સંગાથે પ્રીત જોડ માં રે

રાધા-કૃષ્ણ વિના બીજું બોલ માં.

હીરા માણેક ઝવેર તજીને

કથીર સંગાથે જોળ માં રે

રાધા-કૃષ્ણ વિના બીજું બોલ માં.

મીરા કહે પ્રભુ ગિરિધર નાગર

શરીર આપ્યું સમતોલમાં રે

રાધા-કૃષ્ણ વિના બીજું બોલ માં.

બોલમાં બોલમાં બોલમાં રે

રાધા-કૃષ્ણ વિના બીજું બોલ માં.