હે અંબા મારે લેવું નામ તારું

હે અંબા મારે લેવું નામ તારું,

                           જોજે ન ભૂલાઈ જાય માત.

હે માડી તારા સ્નેહનો સાગર

                           જોજે ન સુકાઈ જાય માત.

સંસારરૂપી સાગરમાં નાવડી ગઈ અટવાઈ,

સુકાની થઈને સંભાળ જે મા,

                            જોજે ન ડૂબી જાય માત.

તારા આધારે ડગલો ભરતે આ અવનિની માંય,

જીવન દોરી મારી તારા હાથમાં,

                           જોજે ન તૂટી જાય માત.

દુનિયા રૂઠે તો ભલે રૂઠે પણ તું ના રૂઠતી માત,

ભરપુર રાખજો પ્રેમનો ખજાનો

                           જોજે ન ખૂટી જાય માત.

બાળક માંગે આ જીવનમાં ઝાંખી તમારી માંય,

દર્શન વિનાના મા નંદ તારી,

                           જોજે ન પાછા જાય માત