માળા રે જપીલે રાધે શ્યામની

તારી એક એક પળ જાય લાખની

તું તો માળા રે જપીલે રાધે શ્યામની

ખાલી ખાલી આવ્યા ખાલી જાશું

સાથે શું લાવ્યા ? લઇ જાશું ?

જીવન ધન્ય બનાવો ભક્તિ ભાવથી

તું તો માળા o

ભક્તિ ખાંડા કેરી ધાર, નથી ઊંઘણશીનું કામ,

તમે મેલીને આવો ચિંતા આખા ગામની,

તું તો માળા o

રાજા રંગીલા રણછોડ મારા ચિતડાનો ચોર

મેં તો નીરખી રહી છબી રાધે શ્યામની

તું તો માળા o

મનમાં લાગી તાલાવેલી, આંખે આંસુડાની હેલી

મને લગની લાગી છે મારા શ્યામની 

તું તો માળા o