હરખેથી ઉતારું રે મારા રામાપીરની આરતી,
કંકુને કેશરના પીરને સાથીયા પુરાય જો.
પેલા પેલા યુગમાં કાંય સોના કેરા પાઠ જો,
સોનાના સિંહાસન બેઠા રણુજાના રાય જો.
હરખેથી ૦
બીજા બીજા યુગમાં કાંય ચાંદી કેરા પાઠ જો,
ચાંદીના સિંહાસન બેઠા સગુણાનો વીર જો.
હરખેથી ૦
ત્રીજા ત્રીજા યુગમાં કાંય રૂપા કેરા પાઠ જો,
રૂપાના સિંહાસન બેઠા હરજીનો ભગવાન જો.
હરખેથી ૦
ચોથાચોથા યુગમાં કાંય માટી કેરા પાઠ જો,
માટીના સિંહાસન બેઠા માતા મીનલદેનો બાળ જો.
હરખેથી ૦
પાંચમાં પાંચમાં યુગમાં કાંય તાંબા કેરા પાઠ જો,
તાંબાના સિંહાસન બેઠા રણુજાનો રાય જો.
હરખેથી ૦
