ભાગું તો મારી ભોમકા લાજે

ભાગું તો મારી ભોમકા લાજે ને ભોરિંગ ઝીલે ન ભાર,

હે મેરુ સરીખા ડોલવા લાગે એને આકાશનો આધાર,

મેરામણ માઝા ન મુકે ચેલૈયો સતનો ચુકે.(2)

મોરધ્વજ રાજાએ અંગ વેરાવ્યા, દીધા કર્ણે દાન,(2)

શિબી રાજાએ જાંઘને કાપી,(2) ત્યારે મળ્યા ભગવાન.

                                        - મેરામણo

દધીચી ઋષિને દેવતા યાચે, વાંસાનું કરવા વજર,(2)

હે કુહાડે જેના અંગડા કાપ્યા,(2) ત્યારે મળ્યા ભગવાન.

                                        - મેરામણo

શિર મળે પણ સમય મળે નહિ, સાધુ છે મેમાન,(2)

હે અવસર આવ્યે પાછા ન પડીએ,(2) કાયા થાય કુરબાન.

                                        - મેરામણo