વિદ્યાર્થીઓ છો તમે નિરાળા

૨૦૧૨-૧૩ નાં વિદ્યાર્થીઓની વિદાય માટે લખેલ કવિતા...

નાના પ્યારા ફૂલ અમારા,
ટમટમતા નાના સિતારા,
જાણે કોઈ માળાના પારા,
વિદ્યાર્થીઓ છો તમે નિરાળા.

હસતા હસતા કોઈ ભણતો,
કોઈ બીજાની ફરિયાદો કરતો,
પ્રયાગ જો'ને કેવો ડરતો ?
સાવન તો સૌમાં ભળતો,

દરેક કામ દોડીને કરતા,
વિદ્યાર્થીઓ છો તમે નિરાળા.

રીંકલબેન તો રોષે ભરાતા,
રોનકબેન જ્યારે વાતો કરતા,
કેવાં હિનાબેન ને પાયલબેન ?
સદાય રહેતા એ બંને મૌન.

એકબીજાના સાથી સારા,
વિદ્યાર્થીઓ છો તમે નિરાળા.

હોશિયાર તો જયશ્રીબેન,
ઘરમાં ડોન મનીષાબેન,
દયાબેન ડરાવતા સૌને,
પાયલબેન સમજાવતા સૌને.

કોયલ બુલબુલના ટહુકારા
વિદ્યાર્થીઓ છો તમે નિરાળા.

ધીમે ધીમે વાતો કરતા,
કોઈ ગાંધીના અક્ષર કરતા,
ધ્યાનથી રીન્જલબેન જો ભણતા,
જાનકીબેન સૌ સાથે લડતા.

'આનંદ' અમ આશિષ ઉરથી દેતા,
વિદ્યાર્થીઓ છો તમે નિરાળા.