બુધવાર, 22 જૂન, 2011

TET Result 2011

ગુજરાત શિક્ષણ વિભાગ દ્વારા લેવાયેલ શિક્ષક અભિયોગ્યતા કસોટીનું પરિણામ બહાર પાડવામાં આવ્યું છે.

રીઝલ્ટ જાણવા "શિક્ષક અભિયાગ્યતા કસોટીનું પરિણામ" ક્લિક કરો.


All The Best

સોમવાર, 20 જૂન, 2011

શાળા પ્રવેશોત્સવ


શાળા પ્રવેશોત્સવ સમયે ઝુંડાળા ગામે પહેલા ધોરણ ના વિદ્યાર્થીઓને કીટ વિતરણ.

રવિવાર, 19 જૂન, 2011

આદીલ મન્સુરી



આદીલ મન્સૂરી

પોતાનો કક્કો સાચો કરાવે છે આ નગર 
બીજા બધાને ખોટા ઠરાવે છે આ નગર 

સપનું બનીને ઊંઘમાં આવે છે આ નગર 
આઘું રહીને કેવું સતાવે છે આ નગર

કઠપુતલી જેમ સૌને નચાવે આ નગર
ને કેવા કેવા કામ કરાવે આ નગર

માણસને જીવાતાય જલાવે આ નગર
પાછળથી ખાંભીઓય ચણાવે છે આ નગર

લંગસીયા નાખવા અને કિન્નાથી કાપવા
સૌને પતંગ જેમ ચગાવે છે આ નગર

આખ્ખુંય દ્રશ્ય લોહીમાં નીતરતું તરબતર
ગુટકાની જેમ સાંજને ચાવે છે આ નગર

ઘોંઘાટ,ભીડ,ધૂળ,ધુમાડો ને હુલ્લડો
જેવું છે તેવું લોકને ફાવે છે આ નગર

પડછાયા સાંજે પુછતા ભઠીયાર ગલીમાં
આદીલ હજીય આપને ભાવે  છે આ નગર

સોમવાર, 13 જૂન, 2011

મહેનતનું ફળ

લેખિકા :
પદમાણી મિતલ આર. (ધોરણ ૮)
શ્રી ઝુંડાળા પ્રાથમિક શાળા 


                            એક હોસ્ટેલ હતી. તે હોસ્ટેલમાં ૮ થી ૧૨ ધોરણ હતા. આ વાત દસમાં ધોરણની છે. દસમું ધોરણ હજી શરુ જ થયું હતું. દસમાં ધોરણમાં વિદ્યાર્થીઓની સંખ્યા ઘણી હતી. આ સંખ્યામાં બે વિદ્યાર્થી હતા. એકનું નામ અભય અને બીજા નું નામ વિવેક. આ બંને વિદ્યાર્થી એકદમ અલગ હતા.
                             અભય ખુબ હોશિયાર હતો. તે શાંત વિદ્યાર્થી હતો. તે ખોટા રૂપિયા ન બગડતો અને પૈસા પણ ન ઉડાવતો. ખુબ મોજશોખ પણ ન કરતો. તેને સરદાર પટેલ અને ઝવેરચંદ મેઘાણી ખુબ પસંદ હતા. તે દરરોજ અમુક સમય આ બંનેના પુસ્તકો વાંચતો અને તેમાંથી કંઈક ને કંઈક પ્રેરણા લેતો. જયારે વિવેક તેનાથી સાવ અલગ હતો. તે દર વખતે નાપાસ થતો હતો. તેમના માતા-પિતા પૈસાદાર હોવાથી તે પૈસાની લાગવગ કરી તેને પાસ કરતા. તે ખુબ પૈસા ઉડાવતો હતો. તે આખો દિવસ મોજ શોખ કરતો, વાંચતો નહિ. વિવેકના નામ જેવા તેના ગુણ  હતા નહિ. તે કોઈપણ ને અપશબ્દો કહેતો હતો. તે દરરોજ અભયની મશ્કરી કરતો પરંતુ અભય કઈ બોલતો નહિ અને શાંતિથી ચાલ્યો જતો. આમ એક મહિનો વીતી ગયો.
                           એક દિવસ વિવેક અભય સાથે શરત નાખી. અભયે પણ ના ન પાડી. શરત એવી હતી કે એક દિવસ માટે તે બંને પોતાનો સ્વભાવ બદલશે. વિવેક અભય જેવો બનશે અને અભય વિવેક જેવો બનશે. અભય માટે તો આ શરત સહેલી હતી. તેમને આખો દિવસ મોજશોખ કરી પૈસા ઉડાવ્યા અને બીજા લોકો ને અપશબ્દો કહ્યા.
                            વિવેકનો આખો દિવસ ખુબ મુશ્કેલ રહ્યો. વિવેક જેમ અભયની મશ્કરી કરતો હતો તેમ અભયે પણ આજે વિવેકની મશ્કરી કરી. ત્યારે વિવેકને ખુબ ગુસ્સો આવ્યો. આખો દિવસ મોજશોખ વગર અને પૈસા ઉડાવ્યા વગર તેને મજા ન આવી.
                           બીજા દિવસે વિવેકને ખબર પડી કે અભયની જેમ કેમ બનાય છે? મારી જેમ તો મોજશોખ તો બધા કરી સકેછે. જયારે આપણી મશ્કરી કોઈ કરે અને ત્યારે આપણે શાંત કેમ રહી શકીએ?
                           તે દિવસે જ વિવેકે અભય પાસે માફી માંગી પછી વિવેકે ખુબ મહેનત કરી. છ મહિના થયા ત્યાં તો અભય અને વિવેક સારા દોસ્ત બની ગયા.
                          આ મહેનત વિવેકે ચાલુ રાખી. તેમને ઘણા પુસ્તકો પણ વાચ્યા. તેમાંથી તેણે પ્રેરણા પણ લીધી. કહે છે ને કે મહેનતના ફળ મીઠા હોય છે. તેમ વિવેકને પણ તેની મહેનતનું ફળ મળ્યું. તે દસમાં માં સારા ટકાએ પાસ થયો.
                          તે જ્યાં સુધી ભણ્યો ત્યાં સુધી તેણે ન અભયનો, ન પુસ્તકોનો કે ન અભયની વાતોનો હાથ ન છોડ્યો. તે મોટો થઇ એક મોટો વકીલ બન્યો. તેમના માતા-પિતા ને પણ આ વાતની ખુબ ખુશી થઇ.

TAT

માધ્યમિક અને ઉચ્ચતર માધ્યમિક શાળાઓમાં શિક્ષક અને આચાર્યની અભીયોગ્યતા કસોટીનું સૂચિત માળખું.

શુક્રવાર, 10 જૂન, 2011

મન તો થાય



મન  નું  તો  શું ? મન તો  થાય. 

ક્યારેક તમને મળવાનું 
ક્યારેક તમને ભૂલવાનું 
મન તો થાય. 

ક્યારેક  ખડ  ખડાટ  હસવાનું 
ક્યારેક  પોક  મૂકી  ને  રડવાનું 
મન  તો  થાય. 

ક્યારેક  મેળા  માં  ફરવાનું 
ક્યારેક  ખાલી  ગલીઓ  માં  જવાનું 
મન  તો  થાય. 

ક્યારેક  ઊંચા  આકાશે  અડવાનું 
ક્યારેક  ઊંડા  પાતાળે  પડવાનું 
મન  તો  થાય. 

ક્યારેક  અમથે  અમથાય  બોલવાનું 
ક્યારેક  સભામાં  ચુપ  રેવાનું 
મન  તો  થાય. 

ક્યારેક  લાગણી  ના  સબંધો  બાંધવાનું 
ક્યારેક  સાવ  સન્યાસ  લઇ  લેવાનું 
મન  તો  થાય. 

ક્યારેક  આંસુ  નો  દરિયો  ભરવાનું 
ક્યારેક  કોરી  આંખે  રડવાનું 
મન  તો  થાય. 

ક્યારેક  દર્દ  નો  મલ્હાર  ગાવાનું 
ક્યારેક  'આનંદ'  બની  જવાનું 
મન  તો  થાય. 

ગુરુવાર, 9 જૂન, 2011

ચોકલેટનું ઝાડ

લેખિકા :
પુરણવૈરાગી નિધિ રમેશભાઈ (ધો.૮)
શ્રી ઝુંડાળા પ્રાથમિક શાળા                                                                    

                     સુંદરપુર નામનું  એક ગામ  હતું.આ ગામ માં  ટીનું નામનો   છોકરો હતો.  તે ખુબ ચોકલેટ  ખાતો. તેને સવારે ઉઠે એટલે પહેલા ચોકલેટ ખાય અને પછી જ બ્રશ કરે અને નાસ્તો  કરે. તે દિવસમાં  સવાર , બપોર , સાંજ , રાત્રે એમ  કેટલીયવાર ચોકલેટ ખાતો. તેની મમ્મી  તેને સમજાવતી અને કહેતી કે જો  આપણે આટલી બધી ચોકલેટ  ખાઈએ તો આપણા દાત  સડી જાય અને પછી પડી જાય. તેની મમ્મી તેને આટલુ બધું સમજાવતી હોવા છતાં તે ચોકલેટ ખાતો. તેની મમ્મીની વાત ધ્યાન માં લેતો  નહિ .
                      એક દિવસ ટીનું સુતો હતો  ત્યારે તેને સપનું આવ્યું . તેને સપનામાં જોયું કે તે એક જંગલ માં છે. જંગલ માં ચારે બાજુ  ચોકલેટના ઝાડ અને વેલાઓ છે. આ જોઇને ટીનું તો ખુશ થઇ ગયો. તે તો એક પછી એક ચોકલેટ ના ઝાડ પાસે જઈને ચોકલેટ ખાવા લાગ્યો. તેણે એટલી ચોકલેટ ખાધી કે તેના મો માંથી લોહી નીકળવા લાગ્યું અને તેના બધા દાંત પડી ગયા. દાંતમાં દુખાવો થવા લાગ્યો અને ટીનું રડવા લાગ્યો.
                      ટીનુંને રડતો જોઇને તેની મમ્મીને થયું કે ચોકલેટ માટે રડે છે. એટલે ટીનુંની મમ્મીએ તેની સામે ખોબો ભરીને ચોકલેટ રાખી પણ ટીનુંએ એક પણ ચોકલેટ લીધી નહિ. આ જોઇને તેની મમ્મી ખુબ ખુશ થઇ. તેણેટીનુંને પૂછ્યું કે તે ચોકલેટ શા માટે ન લીધી?
                       ટીનુંએ કહ્યું કે મમ્મી આજે મને સપનું આવ્યું કે હું એક જંગલમાં છું અને ત્યાં જંગલમાં ચારેબાજુ ઘણા બધા ચોકલેટના ઝાડ અને વેલાઓ છે અને હું એ બધા ઝાડમાંથી ચોકલેટ લઈને ખાઉં છું અને મારા દાંતમાંથી લોહી નીકળે છે, અને ખુબ દુખાવો થાય છે અને મારા દાંત પડી જાય છે.
                        એટલે હવે મેં નક્કી કર્યું છે કે હું દિવસમાં માત્ર એક જ વાર ચોકલેટ ખાઇશ.અને એક્વારથી વધારે ચોકલેટ ખાઇશ નહિ.

ગુરુવાર, 2 જૂન, 2011

Scholarship Information

Scholarship for students in Primary, Secondary, Higher Secondary and Higher studies.

Scholarship 1                                Scholarship 2                         

Scholarship 3                                Scholarship 4

                          Scholarship 5

Pravesotsav

શાળા પ્રવેસોત્સવ અને કન્યા કેળવણી રથયાત્રાની તારીખ ૧૬,૧૭ અને ૧૮ જુન ૨૦૧૧ નક્કી થઇ છે.

આ પ્રવેસોત્સવ વખતે શાળાના શિક્ષકો એ ગત વર્ષ દરમ્યાન તૈયાર કરેલ T.L.M. નું પ્રદર્શન યોજવાનું છે.